Çempionlar Liqasında 1/4 final mərhələsinin püşkü atılıb. Turnirin son qalibi İngiltərənin "Çelsi" komandası ötən mövsüm mübarizədən kənarlaşdırdığı  "Real Madrid"lə bu dəfə 1/4 final mərhələsində üz-üzə gələcək. Favoritlər qismində göstərilən "Bavariya" "Yuventus"u mübarizədən kənarlaşdıran "Vilyareal"a rəqib olub. "Atletiko Madrid" bu mərhələdə "Mançester Siti" komandası ilə qarşılaşacaq. "Ayaks"ı sürpriz şəkildə məğlub edərək növbəti mərhələyə adlayan "Benfika" bu mərhələdə daha güclü rəqiblə İngiltərənin "Liverpul" komandası ilə oynayacaq.