"Qranada" 35 yaşlı İspaniyalı forvard Roberto Soldado ilə yeni 1 illik müqavilə imzalayıb. 2018/19 mövsümündə Türkiyənin "Fənərbağça" komandasından "Qranada"ya keçən Soldado bu mövsüm La Liqada keçirdiyi 20 görüşdə 2 dəfə fərqlənib. Qeyd edək ki, "Real Madrid" klubunun yetirməsi olan və hazırda "Qranada"nın şərəfini qoruyan Soldado futbolçu karyerası ərzində "Xetafe", "Osasuna", "Valensiya", "Tottenhem", "Fənərbağça"və "Villareal" kimi klublarında formasını geyinib.